មនុស្សទាំងអស់នៅលើផែនដីដែលយើងកំពុងរស់នៅនេះ មិនអាចរកបានអ្នកណាម្នាក់ដែលល្អឥតខ្ចោះនោះទេ។ ភាពខ្វះខាតតែងតែមានគ្រប់បុគ្គលទាំងអស់ សូម្បីតែបុគ្គលជោគជ័យលំដាប់ពិភពលោកក៏នៅមានចំណុចខ្វះខាតជាច្រើនដែរចុះទម្រាំតែមនុស្សធម្មតាដូចជាយើងតើមានចំណុចខ្វះខាតប៉ុណ្ណាទៅ?

រូបតំណាង

ភាពឥតខ្ចោះមិនអាចកើតមានចំពោះបុគ្គលណាម្នាក់ឡើយ សូម្បីតែព្រះទាំងអស់ដែលយើងគោរពបូជាក៏នៅមានចំណុចខ្វះខាតមួយចំនួនផងដែរ។ ដូច្នេះហើយអ្នកមិនត្រូវគិតថាខ្លួនអ្នកជាមនុស្សឥតខ្ចោះ ជាមនុស្សអស្ចារ្យ មានអ្វីៗគ្រប់បែបយ៉ាងដែលអ្នកដទៃមិនមាននោះទេ ព្រោះថាអ្វីៗគ្រប់យ៉ាងវានឹងបាត់បង់ទៅវិញនៅថ្ងៃណាមួយ។

មនុស្សដែលគិតថាខ្លួនឯងឥតខ្ចោះ ឬល្អគ្រប់យ៉ាងគឺជាមនុស្សដែលល្ងង់បំផុត ព្រោះថាបុគ្គលដែលឆ្លាត ឬបុគ្គលដែលមានឧត្តមគតិខ្ពស់គេមិនដែលគិតថាខ្លួនគេជាបុគ្គលដែលឥតខ្ចោះនោះទេ។ ផ្ទុយទៅវិញពួកគេតែងតែគិតថា រូបគេនៅខ្វះខាតចំនុចជាច្រើនដែលពួកគេរកត្រូវបំពេញថែម។ អ្វីគ្រប់បែបយ៉ាងដែលកើតមកលើរូបយើង គឺយើងជាអ្នករកដោយខ្លួនឯងមិនមែនកើតឡើងដោយភាពចៃដន្យនោះទេ៕

អត្ថបទដើមដោយ ៖ ឈុនឡេង