កាលពីពេលថ្មីៗនេះ រាជរដ្ឋាភិបាលកម្ពុជា បានចេញអនុក្រឹត្យបង្កើតក្រុងថ្មីចំនួនបីបន្ថែមទៀត រួមមាន ក្រុងអរិយក្សត្ រនិងក្រុងសំពៅពូន ស្ថិតនៅក្នុងខេត្តកណ្ដាល ចំណែកឯក្រុងថ្មីមួយទៀត គឺក្រុងឧដុង្គម៉ែជ័យស្ថិតនៅក្នុងខេត្តកំពង់ស្ពឺ។

ក្រុងអរិយក្សត្រ ដែលជាក្រុងទី២ របស់ខេត្តកណ្តាល ដែលមានសង្កាត់ចំនួន១១ គឺ សង្កាត់បាក់ដាវ សង្កាត់កោះឧកញ៉ាតី សង្កាត់ព្រែកអំពិល សង្កាត់ព្រែកលួង សង្កាត់ព្រែកតាកូវ សង្កាត់ស្វាយជ្រុំ សង្កាត់អរិយក្សត្រ សង្កាត់សារិកាកែវ សង្កាត់ពាមឧកញ៉ាអុង សង្កាត់ព្រែកក្មេង និងសង្កាត់បារុង។ ទីតាំងរដ្ឋបាល ក្រុងអរិយក្សត្រ ត្រូវស្ថិតនៅក្នុងសង្កាត់អរិយក្សត្រតែម្តង។ លើសពីនេះ​ ការបង្កើតក្រុងអរិយក្សត្រ ដោយកាត់យកឃុំចំនួន៦ ពីស្រុកខ្សាច់កណ្ដាល និងឃុំចំនួន៥ពីស្រុកល្វាឯម។

រីឯ ក្រុងសំពៅពូន ដោយកាត់យកឃុំចំនួន០៥ពីស្រុកកោះធំ  ឃុំឈើខ្មៅ ឃុំព្រែកជ្រៃ ឃុំព្រែកស្តី  ឃុំជ្រោយតាកែវ និងឃុំសំពៅពូន។ សម្រាប់ទីតាំងរដ្ឋបាល ក្រុងសំពៅពូននេះ គឺស្ថិតនៅក្នុងសង្កាត់សំពៅពូន តែម្តង។ ការបង្កើតក្រុងសំពៅពូននៃខេត្តកណ្ដាល ដោយកាត់យកឃុំចំនួន៥ ពីស្រុកកោះធំ ។

ចំណែកឯក្រុងទី៣ គឺ ក្រុងឧដុង្គម៉ែជ័យ ស្ថិតនៅខេត្តកំពង់ស្ពឺ ដែលមានសង្កាត់ចំនួន៥គឺ សង្កាត់វាំងចាស់, សង្កាត់វាលពង់, សង្កាត់ត្រាចទង, សង្កាត់ព្រះសែ និងសង្កាត់ក្សេមក្សាន្ដ។ ទីតាំងរដ្ឋបាល ក្រុងឧដុង្គម៉ែជ័យ ត្រូវស្ថិតនៅក្នុងសង្កាត់វាលពង់។

ការបង្កើតក្រុងទាំងបីនេះឡើង ត្រូវបានសំឡឹងមើលឃើញថា ទីតាំងភូមិសាស្ត្រនៃខេត្តកណ្ដាល ជាខេត្តមួយដែលលាតសន្ធឹងព័ទ្ធជុំវិញរាជធានី ដែលជាខេត្តមានសក្តានុពលខ្លាំង។ អមមកជាមួយគ្នាផងនោះ អរិយក្សត្រជាដុំពេជ្រដែលត្រូវបានរាជរដ្ឋាភិបាលយកចិត្តទុកដាក់អភិវឌ្ឍន៍ច្រើន ដោយក្នុងនោះមានទាំងស្ពានឆ្លងទន្លេ ទៅកាន់តំបន់អរិយក្សត្រថែមទៀត។

ដោយឡែក តំបន់អរិក្សត្រ និង ក្រុងសំពៅពូន គឺជាតំបន់មួយដែលមានកំណើនប្រជាជនជាលំដាប់ ដែលជាមូលហេតុចម្បងក្នុងហេតុផលផ្សេង ដែលរាជរដ្ឋាភិបាលសម្រេចបង្កើតទៅជាក្រុង ហើយឱ្យមែនទែនទៅ យើងឃើញក្រុងទាំងបី ដែលរាជរដ្ឋាភិបាលបង្កើតឡើងមកនេះ គឺមានទីតាំងនៅជិតនឹងរាជធានីតែម្ដង។

បើយើងក្រឡេកមកមើលវិស័យអចលនទ្រព្យវិញ ក្រុងទាំងបីដែលរាជរដ្ឋាភិបាលទើបបង្កើតឡើងនេះ នឹងហុចផលវិជ្ជមានច្រើនទៅដល់តម្លៃដីធ្លីនៃទីក្រុងទាំងនេះ ខណៈអ្នកជំនាញក្នុងវិស័យអចលនទ្រព្យបានលើកឡើងពីផលវិជ្ជមានលើទីផ្សារអចលនទ្រព្យកាន់តែកើនឡើង ដែលរាជរដ្ឋាភិបាលបានសម្រេចបង្កើតក្រុងថ្មីចំនួនបីដែលស្ថិតនៅខេត្តកណ្ដាលនិងខេត្តកំពង់ស្ពី។

ជុំវិញរឿងនេះ លោកស្រីតាំង ហ៊ួរ នាយិការនៃក្រុមហ៊ុន Amatak Property បានលើកឡើងថា៖ «  ការបង្កើតក្រុងបន្ថែម នឹងអាចទាក់ទាញតម្លៃអចលនទ្រព្យកើនឡើង ជាពិសេសនៅជំនារតំបន់ដែលបង្កើតក្រុង ជាមួយនឹងផ្លូវខ្វាត់ខ្វែងរួមមានផ្លូវជាតិ៥១ ផ្លូវជាតិ៤១ និងផ្លូវក្រវ៉ាត់ក្រុងទី៤ ។ 

ដោយឡែកសម្រាប់ក្រុងអរិយក្សត្រវិញ លោកស្រីនាយិការនៃក្រុមហ៊ុន Amatak Property ធ្លាប់ប្រាប់មកកាន់ក្រុមការងារharbor property ថាតំបន់អរិយក្សត្រ តម្លៃដីកើនឡើងច្រើនរួចមកហើយ ប៉ុន្តែនៅពេលដែលអគារចាប់ផ្ដើមសាងសង់បន្តៗនៅក្នុងតំបន់ទាំងនេះ តម្លៃអចលនទ្រព្យនឹងផ្លាស់ប្ដូរខ្លាំងនាពេលអនាគត។ លោកស្រីជឿជាក់ថា តំបន់ទាំងនេះ នឹងក្លាយជាតំបន់លេខ ១ នៅក្នុងក្រុងផងដែរ។

លោកស្រីបានបន្តថា៖ ក្រោយពេលគម្រោងស្ពានឆ្លងទន្ លេ ពីផ្សាររាត្រី ទៅជ្រោយចង្វារ និងទៅតំបន់អរិយក្សត្របានអនុម័ត អគារនៅទីនោះនឹងផុសច្រើន គ្រាន់តែមិនលឿនពេកនោះទេ ហើយតំបន់នេះនឹងទាក់ទាញជាងគេបំផុត រីឯ view កណ្ដាលក្រុងកាន់តែស្អាតខ្លាំង។» 

លោកអ្នកអាចស្វែងទិញ លក់ ជួលអចលនទ្រព្យ​ជាង៥មុឺន តាមរយៈគេហទំព័រ ឬកម្មវិធីក្នុងទូរស័ព្ទ របស់ Harbor Property​ ដោយសេរីនិងឥតគិតថ្លៃ៕

Harbor Property