ក្រុមហ៊ុន វឌ្ឍនៈ ដែលជាក្រុមហ៊ុនផលិតភេសជ្ជៈរបស់កូនខ្មែរ មានផលិតផលចំនួន១៨មុខ ក្រោមម៉ាកសញ្ញាចំនួន៤គឺម៉ាកសញ្ញា វី-អាកទីវ, គ្រុឌ, វឌ្ឍនៈ, និងដ្រាហ្គិន មានផលិតផលទឹកពិសា, ភេសជ្ជៈកីឡាបំពេញជាតិទឹក, ភេសជ្ជៈប៉ូវកម្លាំង, ព្រមទាំងផលិតផលជាតិអាកុល សម្រាប់បំពេញតម្រូវការក្នុងស្រុក ដែលសុទ្ធសឹងតែប្រកបដោយគុណភាពខ្ពស់។

ជាមួយគ្នានេះ ក្រុមហ៊ុន វឌ្ឍនៈ ក៏ធ្លាប់បានឈ្នះពានរង្វាន់ជាច្រើនលើឆាកអន្តរជាតិ ប្រកួតប្រជែងជាមួយផលិតផលជាច្រើននៅបរទេស ពិសេសបំផុតអាចប្រកួតប្រជែងជាមួយផលិតផលពីប្រទេស ក្នុងតំបន់អឺរ៉ុប ដោយបានបន្តលើកស្ទួយសេដ្ឋកិច្ចជាតិ និងលើកស្ទួយមុខមាត់ជាតិ និងកិតិ្តយសរបស់កម្ពុជាលើឆាកអន្តរជាតិ។​

ស្របជាមួយគ្នានេះ ក្រុមហ៊ុន វឌ្ឍនៈ ក៏បានសម្តែងការរីករាយ និងគាំទ្រក្នុងចំណាត់ការរបស់រាជរដ្ឋាភិបាលក្នុងការលើកស្ទួយនិងប្រើប្រាស់ផលិតផលដែលផលិតក្នុងស្រុក ដើម្បីឯករាជ្យភាពនិងចរន្តសេដ្ខកិច្ចជាតិកាន់តែរីកចម្រើនផងដែរ៕