បន្ទាប់ពីការចរចាកិច្ចសន្យាថ្មីបន្តជាមួយ Leroy Sane បានជាប់គាំង ក្លឹប Man City មានការបារម្ភខ្លាចកីឡាកររូបនេះកំពុងពិចារណាចាកចេញ។

បើទោះបី ជាខ្សែបម្រើស្លាបសញ្ជាតិអាល្លឺម៉ង់រូបនេះនៅសល់កិច្ចសន្យារយៈពេល២ឆ្នាំទៀតនៅពហុកីឡាដ្ឋាន Etihad Stadium ក៏ដោយ ក៏ប៉ុន្តែ City ពិតជាអន្ទះសាចង់រក្សាកីឡាករឆ្នើមវ័យក្មេងរូបនេះជាមួយនឹងកិច្ចសន្យាយូរអង្វែង។

នៅពេលនេះ City មានការបារម្ភដោយសារតែតំណាងរបស់ Sane ហាក់ដូចជាមិនចង់បើកចិត្តទូលាយសម្រាប់ការចរចាកិច្ចសន្យាថ្មី ហើយថ្នាក់ដឹកនាំ ក្លឹបបារម្ភខ្លាចកីឡាករវ័យ២៣ឆ្នាំរូបនេះពិចារណាចាកចេញទៅចូលរួមជាមួយ ក្លឹបផ្សេង។

ក្លឹបយក្សអាល្លឺម៉ង់ Bayern Munich បានបង្ហាញចំណាប់អារម្មណ៍ចំពោះ Sane យូរមកហើយ ដើម្បីយកកីឡាកររូបនេះមកជំនួសកីឡាករ Franck Ribery ៕