នាយករដ្ឋមន្ត្រី នឹងអញ្ជើញទៅចូលរួម សន្និបាតប្រចាំឆ្នាំលើកទី៧៥ របស់ UN-ESCAP ថ្ងៃទី២៧ឧសភា នៅប្រទេសថៃ

ភ្នំពេញ៖ សម្ដេចនាយករដ្ឋមន្រ្តី ហ៊ុ្ សែន នឹងអញ្ជើញទៅចូលរួម សន្និបាតប្រចាំឆ្នាំលើកទី៧៥ របស់គណៈកម្មការសេដ្ឋកិច្ច និងសង្គមអង្គការសហប្រជាជាតិ សម្រាប់តំបន់អាស៊ី-ប៉ាស៊ីហ្វិក ហៅកាត់ថា UN-ESCAP ក្រោមមូលបទ «ការផ្តល់សិទ្ធិអំណាចជូនប្រជាជន និងការធានានូវបរិយាប័ន្នភាព និងសមភាព» នាថ្ងៃទី២៧ ឧសភា នៅប្រទេសថៃ ។ នេះបើតាមសេចក្ដីប្រកាសព័ត៌មាន របស់ក្រសួងការបរទេស នាថ្ងៃទី២៣ ឧសភា នេះ ។

ការទៅចូលរួមមហាសន្និបាតប្រចាំឆ្នាំ របស់UN-ESCAP នេះ គឺតបតាមការអញ្ជើញរបស់ លោកស្រី អាមីដា សាលស៊ីអាហ៍ អាលីសចាបាណា អគ្គលេខាធិការរងអង្គការសហប្រជាជាតិ និងជាលេខាធិការប្រតិបត្តិរបស់ UN-ESCAP។

ផ្អែកតាមក្រសួងការបរទេសថា អំឡុងនោះ សម្ដេចក៍ត្រូវបានអញ្ជើញថ្លែងសុន្ទរកថាគន្លឹះ ដោយផ្តោតជាសំខាន់ ទៅលើបទពិសោធន៍របស់កម្ពុជា ក្នុងការអភិវឌ្ឍ សេដ្ឋកិច្ចនិងសង្គម ដែលបានលើកកម្ពស់កម្រិតជីវភាព របស់ប្រជាជនកម្ពុជាផងដែរគ្រប់រូប៕ dy

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។