ទាហានឥណ្ឌា បាញ់សម្លាប់គ្នាឯង ស្លាប់ និងរបួស៤នាក់ នៅកាស្មៀរ

ទាហានឥណ្ឌាម្នាក់ឈរជើងនៅតំបន់កាស្មៀរបានបាញ់ប្រហារគ្នាឯងស្លាប់៣នាក់ ហើយបន្ទាប់មក បានបាញ់សម្លាប់ខ្លួនឯងតាមក្រោយ ប៉ុន្តែមិនបានសម្រេច រងរបួសធ្ងន់ ។

ហេតុការណ៍នេះបានកើតឡើងកាលពីវេលាម៉ោង១០យប់ (ម៉ោងក្នុងស្រុក) ថ្ងៃពុធ ទី២០ ខែមីនា ឆ្នាំ២០១៩ ស្ថិតនៅជំរុំទាហានក្នុងតំបន់ Bbattal Ballion ចម្ងាយប្រហែល២០៣គីឡូម៉ែត្រភាគខាងត្បូងទីក្រុង Srinagar ដែលជាដែនដីកាស្មៀរ កំពុងមានជម្លោះជាមួយប៉ាគីស្ថាន ។

ប៉ូលិសឥណ្ឌានៅមិនទាន់បញ្ជាក់ប្រាប់ពីមូលហេតុនោះឡើយ ខណៈកំពុងដំណើរការស៊ើបអង្កេត ។

សេចក្តីប្រកាសព័ត៌មានរបស់កងកម្លាំងសន្តិសុខរក្សាភាគកណ្តាលឥណ្ឌា(CRPF)បញ្ជាក់ថា ទាហានម្នាក់ បានបាញ់សម្លាប់សហជីវិនរបស់ខ្លួន៣នាក់ រួចបាញ់សម្លាប់ខ្លួនឯង បណ្តាលឲ្យរងរបួសធ្ងន់តែម្តង ។

សូមបញ្ជាក់ថា ករណីដូចនេះ មិនមែនជារឿងថ្មីនោះទេសម្រាប់កងកម្លាំងទាហានឥណ្ឌាឈរជើងនៅព្រំដែន ទល់មុខជាមួយប៉ាគីស្ថាន ដែនដីកាស្មៀរនោះ៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។